Maliyyəçilərin peşəkar maraqlarına uyğun ixtisaslaşmış milli nəşrlərə ehtiyac olduğu bir vaxtda, Professioanal Maliyyə Menecerləri Assosiasiyanın təsis etdiyi “Finansist” jurnalı vaxtında dünyaya göz açmaqla yanaşı, həm də ona bəslənən ümidləri tam doğrultdu.
FİNANSİST artıq ictimaiyyətdə böyük əks-səda doğurmuş, bir sıra sosial-mədəni tədbirlərin media partnyoruna çevrilərək, yeni rubrikalarını oxucularına təqdim etmişdir. Jurnala həmçinin xarici ölkələrin peşəkar mütəxəssisləri də cəlb edilmiş, burada inglis və rus dillərində də maliyyə mütəxəssislərimiz üçün çox maraqlı və faydalı mövzular yer almışdır. FİNANSİST jurnalı –maliyyə məlumat jurnalı olmaqla yanaşı, həmçinin maliyyə, mühasibat uçotu və auditi sahəsində elmi-praktik vəsait kimi çoxsaylı mütəxəssislərin stolüstü kitabına çevrilmişdir, müasir, qabaqcıl beynəlxalq təcrübənin öyrənilməsi, yeni məlumatların əldə edilməsi və gündəlik fəaliyyətdə tətbiq edilməsi baxımından çox faydalıdır. Xüsusilə qeyd edək ki, yalnız inglis və rus dilində olan bəzi ixtisaslaşmış vəsaitlərin jurnalda azərbaycan dilində verilməsi oxucular tərəfindən təqdir olunur.
FİNANSİST fəaliyyətini bu istiqamətdə davam etdirmək, daha geniş auditoriyanı cəlb etmək, yeni maraqlı rubrikalar və tanınmış mütəxəssislərlə müsahibələrtəşkil etmək, həmçinin xarici təcrübənin öyrənilməsi və çatdırılması, informasiya mübadiləsini genişləndirmək, Azərbaycanı dünyaya tanıtmaq və sair məqsədləri həyata keçirmək niyyətindədir və oxucularımızın bu sahədə tövsiyyələri bizim üçün çox vacibdir.